ZALEN July 11, 2025 : Tunhnaia electrical accident avanga hliam tuar leh nunna hial chan awm chungchang P&E Minister F. Rodingliana kaihhruaina hnuaiah vawiin July 11, 2025 chawhnu Dar 2 khan Department Officers meeting neih nghal a ni.

Sawrkar dan anga nunna chante leh hliam tuarte Sawrkar in chhawmdawlna(ex-gratia payment) Dan dinglai a neih angin rang taka ex-gratia hi pek tura hmalak nghal a rel a, tihfel tulte leh document ngai te rang taka la khawm a, ex-gratia pek vat an nih theihna turin rang taka bawhzui turin a mawhphurtu Officerte hriattir nghal a ni.

Accident thlenna pakhat Bungtlang South a accident thlennna hmun hi BSF ho line a ni a, BSF te pawh line siamtha turin hriattir an ni a, hun tiam chhunga an siamtha lo a nih chuan power supply pawh pek loh mai ni se tiin Officer meeting ah hian rel a ni.