ZALEN June 20, 2024 ; Excise & Narcotics Department chuan June 19, 2025, (Ningani) tlai dar 3:30 khan Phainuam, Saihapui ‘K’ Road, Kolasib District-ah heroin Kg 2 & gram 502 (Hawng 220) leh a neitu nia puh mi pahnih – Lalramtiam (30) S/o Saliankhuai, Tahan ‘F’ group, Myanmar leh Lalremruata (34) S/o Zonunsanga (L),Zemabawk, Aizawl-a khawsa nia inchhalte chu an man. Heng heroin te hi state pawn lama tihral tum mek lai a ni.

Excise & Narcotics leh 20 Assam Rifles te thawk dun chuan June 19, 2025 (Ningani) tlai dar 4:50 khan Pukpui khaw bul, Lunglei District-ah Methamphetamine Kg 3 & gram 477 (Tablet 36,400) leh a neitu nia puh mi pahnih – Sapna Chakma (40) s/o Ashmi Kumar Chakma, Tiperaghat II, Lunglei District leh Punyo Sur Chakma (29) s/o Mitro Lal Chakma, Kamalagar II, Lawngtlai District-a khawsa nia inchhalte chu an man bawk. Heng Methamphetamine mante hi hnam dang hnen atanga an hmuh niin an sawi.

Excise & Narcotics Department chuan June 19, 2025 (Ningani) tlai dar 5:00 khan Zokhawthar (Neuva Section), Champhai District-ah heroin gram 222 & mg 100 leh a neitu nia puh mi pahnih – Zokhumi (65) d/o Khawneihlala (L) leh Lalnunsiami (37) d/o Lalnunfela, Khawmawi, Myanmar-a khawsa ve ve nia inchhalte an man.

Excise & Narcotics Department chuan June 20, 2025 (Zirtawpni) chhun dar 11:55 khan Tuipui, Khawzawl Road-ah Heroin gram 418 & mg 400 (Hawng 43) leh a neitu nia puh - Rebecca Nianglunchingi (28) d/o Kapsialkhama (L), Champhai Vengthar-a khawsa nia inchhal chu an man.

Ruihhlo vanga mante hi The Narcotic Drugs & Psychotropic Substances Act, 1985 tlawhchhanin thubuai siamsak an ni a, June ni 20, 2025 khan Court-ah hruai nghal an ni.