ZALEN June 6, 2025 : Mizoram Sawrkar Food, Civil Supplies & Consumer Affairs (FCS&CA) Department chuan kumin furpui hmachhawn chhoh mekah mipuite'n buhfaia harsatna an tawh lohna turin theihtawp a chhuah a. Fur laia kal/tlawhpawh harsatna thin khuaa Kudam-ah te buhfai a chhek khawl fel tawh a ni, an ti.

He tih lai hian retailer-te buhfai khul leh sem chhuah kawngah harsatna awm thei a ni a. Hemi atana inbuatsaih lawkna atan leh dinhmun harsa zawkte'n buhfai an tlakchham loh nan Sawrkar laipui (Ministry of Consumer Affairs, Food & Public Distribution) nena tangrualin NFSA buhfai, thla thum quota chu sem lawk tura ruahman a ni, an ti.

He ruahmanna ang hian Card Eng (AAY) leh Card Pawl (PHH) hmangtute June, July leh August buhfai chanpual chu June thla chhung hian sem lawk a ni ang.