ZALEN July 14, 2025; HLIMTHLA (Ṭhalaite suattu Ruihhlo) Documentary Film Central YMA buatsaih tlangzarh a ni.

Ni 14.7.2025 (Thawhṭanni zan) dar 8 khan Central YMA Hall- ah Central YMA leh LBS Suzuki te ṭangkawp in a buatsaih documentary film HLIMTHLA tih chu tlangzarh a ni a, he film hi "Ruihhlo in kan ram a run nasat zia leh kan rama ruihhlo lo luhna kawng chungchang" a ni.

Film tlangzarhna inkhawm hi MS Ralte, Fin. Secretary Central YMA in a kaihruai a, Fabian Lalfakawma Asst. Secretary Central YMA in thusawina hun a hmang.

Prof. Malsawmliana, General Secretary Central YMA in he Film hi a tlangzarh a ni. 

He film tlangzarh tak hi Central YMA Youtube Channel ah a duh a piangte en theih tura dahchhuah nghal a ni bawk.

#ZalenNews