Aizawl: Mizoram sawrkar hnathawk inzawmkhawm pawl Federation of Mizoram Government Employees & Workers (FMGE&W) hruaitute chuan tunhnai khan Chief Minister Zoramthanga hmuin lawmthu an hrilh.

FMGE&W OB te hian Ningani kalta khan Chief Minister hi an hmu a, Medical Reimbursement chungchanga FMGE&W ngenna tihhlawhtlin a nih avangte, DA increment a hun taka sawrkarin a pek thin avang te, MR employees te dinhmun tha zawk siamsak an nih avang te in lawmthu an sawi a ni. Hei bakah hian sawrkar hnathawk tan Housing Complex (Federation Enclave) sak tur hmalak mekah sawrkarin Power Supply leh Water Supply chungchanga chak zawka hma la tur leh Fedration enclave hi a hmun ngeia enpui turin an sawm a. Department hrang hranga Sawrkar hnathawk Promotion theihna post ruak te Promotion hmanga hnawhkhah zel a nih theih Rules pawh a tul anga Relaxation pe thin turin an ngen a. Sawrkar hnathawk pay level inang, an kaisanna pay pawh level inangte qualifying service demand rualkhai zawka siam ni se tih an thlen bawk.

FMGE&W hruaitute hian General Conference, March 13, 2020-a an neih turah Chief Minister hi Chief Guest turin an sawm bawk.