ZALEN June 11, 2025; Excise & Narcotics department, Kolasib chuan an thudawn bawhzuiin Thawhṭanni (9.6.25) tlai dar 4 vel khan Heroin hawng 3 leh a neitua puh mi pahnih an man.

Kolasib AW in a tarlan danin, heroin kengtute hi Akbar Hussain Lashkar (35) s/o Nural Haque, Silchar leh a nupui anga a kawl Ramtharmawii (30) d/o Chawnga Darngawn (L), Saipum field veng te an ni a, heroin hi sahbawn bawm pathuma dah niin gms 11 veka rit a ni. Excise in an mi man lai hnena heroin te hi pek turin phone hmangin an in hrilh a, anni hian Scooty (N-Torgue AS11-AE/8872) a deliver an rawn tum chu Chemphai road, Bilkhawthlir-ah nangchinin an man zui a ni.

Heroin kengtute hi thubuai siamsak an ni a, case kalpui dan tur ngaihtuah mek a ni.

#ZalenNews