ZALEN June 19, 2025; Health minister Lalrinpuiin Mizorama mihring awm zat atanga chhutin HIV vei chu zaa 2.73 an awm thu leh Mizoram chu India ram puma a sang ber a nih thu a sawi.

Nimina a Mizoram State Aids Control Society (MSACS) Governing Body thutkhawmah he thu hi sawiin, minister chuan Mizoram dinhmun chu veiawm a tih thu leh HIV do zel tura chak zawka hma lak a tul thu a sawi a ni.

Thutkhawmah hian MSACS Director Dr. Jane Rinsangii Ralte chuan report pein April 2024 atanga March 2025 chhungin Mizorama ART Centre 14 ah HIV vei mi 2,069 inziaklut thar an awm thu leh, ART dawngte zingah midang hnena kaichhawng thei lo tur mi zaa 97.7 an awm thu a sawi.

Kum 5 kal ta vel atang khan Mizoram ah HIV vei thar an tlem tual tual thu a sawi a. Mizoram State Blood Transfusion Council chuan Excellence in Blood Donation 2023-24 lawmman dawngin North-Eastern states te zinga titha ber a nih thu a sawi bawk a ni.