Aizawl: BJP Mizoram Pradesh President Vanlalhmuaka chuan, "Mizoram mipui ten hmasawnna kan duh ang thlen turin hma kan la dawn a ni," a ti.

Zirtawp tlai dar 5:00-6:30 inkar khan BJP Mizoram Pradesh chuan a vawi khatna a tan virtual rally an hmang a, Webex technology hmangin hmun hrang hrang a mite nen meeting neih a ni a. Rally hmanna pui ber chu Mizoram State Headquarters ah neih a niin, Dr. Zonuntluanga, GS, CSMVC in a kai hruai a, Mizoram State President Vanlalhmuaka chuan thu a sawi a. Covid 19 hri leng hian finna thar leh rahbi tharah BJP Mizoram Pradesh te chu min hlangkai a, hna thawh thulh hauh lovin a theih dan dan in mahni in lum atang ten hna tha takin kan kalpui thei a ni," a ti. BJP National Spokes-person Nalin Kohli chuan Modi sawrkar kum 5 chhungin India hausakna chu a letin a pung niin a sawi a, Modi sawrkar term 2-na ah hian India ram economy chu $5 billion a kai tir hman an tum niin a sawi bawk.

He hun hi BJP National GS te leh Mizoram incharge ten an awm hmun atangin an lo zawm a, BJP Mizoram Pradesh hruaitu te leh member te, District hrang hrang ten Facebook, Twitter leh Instagram atangin an lo zawm ve bawk a ni.