Aizawl: Mizoram Kohhran lian ber Presbyterian Kohhran Hmeichhe Inkhawmpui Lian chu nakum hian East Lungdarah neih a ni dawn a, kum 2022 rorel inkhawm chu Mission veng in an thleng ang.

Kohhran Hmeichhe Inkhawmpui Lian rorel inkhawm hi Ramhlun Venglai kohhran biak inah neih mek a ni a, rorel palai inziak lut hi 902 niin riak lut 516 leh langa kal 335 an ni. Kumin hi Kristian chhungkua golden jubilee ani a, nimin Inrinni chawhma khan Synod Moderator Rev. R.Lalchangliana chuan kum 50 tlin hriatrengna (monument) a hawng a ni.

Kumin khawmpui thupui atan hian ‘Thawh harh a hun’ tih a ni a, speaker atan Rev. B. Sangthanga, Executive Secretary i/c Kohhran Hmeichhia a ni. Kohhran Hmeichhia hi 1904 khan din tan a ni a, kum 1970 atangin inelna thianghlim "Kristian Chhawngkaw Dinhmun tehna" siam a ni a, kumin ah hian Khawdungsei bialin lawmman an dawng a ni.

Inchhiarna atanga a lan danin Presbyterian hlang chhungkua 1,07,636 awmin inawm pawlh chhungkaw 4,541 an awm a. Ni tin chhung inkhawm nei zat 77,152 ( 68.77%) awmin buhfaitham tham ziah zat 1,10,323 (98.34%), Hmeichhe member zat 1,80,836 an ni. Kum 2019 chhunga buhfaitham hmuh zat belh khawm chu Kg. 1,33,10,095.62grams a ni.