ZALEN October 17, 2025: Mizoram Board of School Education chuan vawiin khan HSLC leh HSSLC exam hun tur a tichhuak a, HSSLC hi February 2, 2026-ah practical hmanga tan tur a ni a, HSLC hi February 11, 2026-ah pracrtical hmang tho a tan tur a ni.

HSSLC hi Exam pangngai chu February 2, 2026 hian English subject hmang tan a ni dawn a, a zo hnuhnungber hian March 16, 2026-ah an zo ang a, hemi ni a exam tur te chu Computer Science (T)/ Home Science (T) la te an ni.

HSLC hian Exam pangngai chu February 19, 2026 M.I.L. (Mizo /Alternative English/ Hindi / Nepali/Bengali/Manipuri) hmangin an tan ang a, Exam nei hnuhnungber te hian March 17, 2026 hian Home Science (Theory) / Introductory Information Technology (Theory)/Civics & Economics / Commercial Studies hmangin an khar ang.

HSSLC leh HSLC exam hun hi 10:00 am -1:00 pm zel a ni ang a, practical hi 9:00 am – 4:00 pm-ah a ni thung ang.