ZALEN May 17, 2025 : Vawiin khan MYC Complex, MINECO, Khatla-ah India ram chhunga (domestic) Airlines lian ber IndiGo Airlines thawktute chuan Cabin Crew/Air Hostess screening an nei a, Screening tur hian Mizo nula 49 kalin, heng zingah hian NI. Remruatsangi Royte, Salem Veng chu direct a thlan tlin awmchhun a ni.

Cabin Crew screening atan hian MYC chuan Mizo thalai te a tam thei ang ber an tlin theih nan May 13-16, 2025 chhung khan Free Grooming Class a buatsaih a, thalai engemaw zatin he class hi an chhim a, hna hrang hrang an thawhna leh hna an zawnna ah nasa taka a puih ngei an beisei thu MYC chuan an social media page-ah an tarlang.