Aizawl: Nikum chhungin Mizoramah innei inziaklut mi 2693 an awm a, innei zingah Kristian an tam ber a ni.

Zalen thudawn danin nikum April 2019 atanga kumin March 2020 inkar chhunga Mizorama innei inziaklut 2693 zingah hian Kristian sakhua hmanga innei an tam ber a, Kristian dana innei inziaklut hi 2317 an awm a, hei hi innei inziaklut zawng zawng atanga chhutin 86.93% a tling a ni. Kristian sakhaw hmanga innei dawtah hian Buddhist dana innei chu a dawttu niin 362 an awm a, Hindu dana innei 14 awmin sakhaw dang hmanga innei inziaklut an awm lo thung.

District 8 zingah Aizawl district ah inziaklut tam berin 1107 an awm a, Mamit ah 133, Kolasib ah 201, Champhai ah 327, Serchhip ah 206, Lunglei ah 332, Lawngtlai ah 336 leh Siaha district ah 51 an ni a. District hawn thar pathum Khawzawl, Saitual leh Hnathial ah chuan chhinchhiahna hi kalpui a la ni lo a ni.

Kristian sakhua nilo a inziaklut te hi Hindu bikah Aizawl ah mi 4, Kolasib ah 6 leh Lunglei ah 4 an awm a. Buddhist sakhuaa innei inziaklut te hi Mamit ah 38, Lunglei ah 69 leh Lawngtlai district ah 255 te an awm a ni.

Kum 2008 April atanga March 2020 inkar chhung khan Mizoram pumah innei inziaklut mi 30,289 an awm a. Heng te hi Kris---#tian sakhaw dana innei 28,349, Hindu dana innei 127, Muslim dana innei 1, Buddhist dana innei 1809 leh sakhaw dang dana innei 3 an awm tawh a ni.