ZALEN May 3, 2025 : Wella professional-in kumtina an buatsaih thin, International Trend Vision Competition 2024-2025 Malta-a neihah Lalruattluanga, Mapui’s Shillong Branch a thawk chu Color Visionary Category-ah pakhatna a ni a. He award a lak hi mizo zingah mai ni lo India ram aiawha kal tawh zingah pakhatna ni hmasa ber leh a awmchhun a la ni bawk.

He International competition a India aiawh tur thlanna hi , Kumin 2025 kumtir atang khan inelna neih niin, hetah hian Lalruattluanga (Mapui’s Shillong) hi finalist zingah tlingin, Malta-a India aiawh tur zingah thlan a ni a, India tana a hmasa ber leh awmchhun ni turin 2024-2025 Wella Professional Trend Vision a, Color visionary category ah pakhatna nihna chu hlan a ni ta a ni.

He inelnaah hian khawvel ram hrang hrang a hair stylist leh colorist tha, International a lar pha Salon hrang hranga mithiam tak tak te an in el thin a ni. He dinhmun hi Mizo te leh India tan chuan mellung pawimawh tak leh hriatreng tlak a ni.