ZALEN, June 12, 2025: Jawahar Navodaya Vidyalaya, Thenzawla pawl kua zirlai, Lalremruata Renthlei chu India ram puma naupang 98,000 zing atanga thlan chhuahah telin ISRO hnuaia ngaihhlut hlawh tak, Young Scientist Programme (YUVIKA) 2025-a tel.

May 19-30, 2025 chhunga North Eastern Space Applications Centre (NE-SAC), Shillong, Meghalaya-a a YUVIKA 2025 hi neih niin a tel phak tur hian Mizoram atangin zirlai pariat kalin Remruata chauh hi thlan chhuah a ni.

India ram pumah naupang thiam leh theihna nei tha bik 350 chauh thlan chhuah an ni.

Shillong-a hun an hman chhung hian space science leh technology-a thiamna sang tak takte nen hun hmangin rocket tak ang (model) siam atanga drone robotic hmanga 3D-a thil thlira a tak ang taka thil tihna ang chi tam tak entir leh zirtir an ni.

Hun an hman chhungin Rohini-200 sounding rocket kah chhuah pawh an chhim a. Indian astronaut Angad Prathap nen inkawmhona hun siamsak an ni a, mahni invenna thiam thilte zirtir an ni bawk a. Science leh hmun pawimawh dang - Guwahati Planetarium, Eastern Air Command leh Don Bosco Museum tlawhpui an ni bawk.