Journalist pahnih lawmpuina hlan

ZALEN July 1, 2025; I&PR minister-in Emmy Awards dawngtu Mizo Journalist pahnih lawmpuina a hlan.
I&PR minister, Dr. Vanlalthlana chuan tun hnaia Emmy Award dawngtu BBC team zinga tel Mizo Journalist pahnih HC Vanlalruata leh Isaac Lalramsanga te chu vawiin khan a pisa-ah lawmpuina a hlan a. Mizo Journalist zingah khawvel huap chawimawina dawng thei an awm chu a chhuan thu leh I&PR minister lo nih ve ringawt pawh a inchhuan thu a sawi.
Tarlan tawh angin June ni 26 khan khawvela Journalism chawimawina ngaihhlut Emmy Awards hi New York-a Palladium Times Square-a sema ni a, hetah hian BBC in 'Myanmar’s Civil War' tih thupui hmanga short-form documentary an buatsaih chuan Emmy Awards hi a dawng a, BBC team-ah hian Mizo journalist - HC Vanlalruata leh Isaac Zoramsanga te hi an tel a, field producer hna an thawk a ni. I&PR Minister hian chawimawina thuziak bakah sumfai Rs. 10,000 ve ve a pe a ni.