ZALEN June 24, 2025; Kawngpui chhe lutuk siamtha in naktip (26.6.25) hian lirthei pawl hrang hrang ten hnatlangpui an ko.

NH-06 leh 306, Kawnpui leh Sairang inkar kawng a chhiat lutuk avangin Mizoram Tipper Assn. (MTA), Kolasib Dist Hqrs chuan Ningani hian hnatlangpui an ko a, Kawng chhe zual lai te hi lirthei vei vak ten lungmuang taka an zawh theihna tura hnawh a nih hma chuan hemi ni atang hian tiam chin awm lovin lirthei eng chi mah in he Kawng hi zawh lo turin an ngen tih an sawi a. Zawh lui an awm a nih chuan an chungah harsatna engpawh thleng se MTA chuan mawh a phur lovang, an ti.

Mizoram Tipper Assn (MTA), Kolasib Dist Hqrs hruaitute hian nimin khan Kolasib MJA Press Club ah Press Conference neiin, Kawngpui chhia siam that hnatlangpui neih an tum thu hi an puang a. MTA hruaituten an sawi danin, Kawng siam hnatlangpui an neih tur hi Mizoram Truck Owners Assn. Hqrs., Mizoram Truck Drivers Assn. Hqrs., Mizoram Oil Tanker Drivers Assn., Mizoram Indane Drivers Assn., Kolasib District Vehicle Owners & Drivers Assn JAC leh lirthei enkawltu pawl thenkhatin an thlawp.