ZALEN April 9, 2025; Dinthar Branch YMA chuan ruihhlo vanga man, Henry Lalbiakzinga Chhundeng chu an ensan a, YMA member an nihna leh chhiatni fund an pe kir.

Nizan khan Dinthar venga ruihhlo ṭhahnem tak, heroin hawng 440 man chungchanga inhnamhnawiha puh Henry Lalbiakzinga Chhundeng te in kawtah Dinthar mipui thinrim pungkhawmin an veng chhuahsan turin an au rual a, mipui thinrim chuan hun rei tak chhung khawtlang hruaitute hmalakna an nghah tawh thu sawiin, hmalakna a awm mai loh avangin an pungkhawm an ti a, mipui ṭhahnem tak pungkhawm chuan Henry-a chu an veng timualphotu a nih avangin an venga awm atan an duh loh thu an sawi.

Dinthar Branch YMA chuan March 15, 2025-a ruihhlo ṭhahnem tak, hawng 440 man chungchanga inhnamhnawiha puh, Henry chu veng aṭangin an ensan thu sawiin, YMA Member an nihna leh chhiatni fund an pe kir a ni.