ZALEN July 6, 2025 : Khawzawl District chhunga khaw pathum - Vangtlang, Chalrang leh New Chalrang a buh eichhetu rannung chi khat chu Agriculture department mithiamte thurawn anga damdawi hmanga kah an nih hnuah hmuh tur an awm tawh lo nia thudawn a ni.

ZALEN-in Agriculture department thawktute hnen atanga thu a dawn danin heng khaw pathuma pangang puang hi 'buh hnah khawr pangang' an ni a. A tir lamah hlauthawng deuh mahse damdawi hmanga kah anih hnuah hmuh tur an awm ta lo a. Pangang hian buh hi a khawih chhe viau hman lo nia an hriat thu leh nghawng a nei lo tura an ngaih thu an sawi. 

Thudawn danin kum dangah pawh pangang hi a puang thin a, mahse thil ei chhiat a nei tam lo thin niin an sawi a. Hetianga pangngang puang hi hmun dangah pawh awm bawk mahse an control thei niin an sawi bawk.