ZALEN June 14, 2025 : Vawiin khan BCM Hauruang chuan kohhran hnatlang neiin PC Vanlalhluna (67) Electric Department a thawk chu current man vangin a thi. 

Thulakna in a tarlan danin BCM Hauruang chuan vawiin khan hnatlang an ko a, Current an lakluhna line chiang lo chu PC Vanlalhluna hian siamin, thirbanah a lawn a, LT line leh Biakin Line inzawmna lai a chepchat chu current hian man zuiin hun rei lo te a hip beh hnuah leiah a tla thla a, a mumal lo zo nghal a ni.  

Hauruang Khawtlang hruaitute chuan PC Vanlalhluna hi Civil Hospital Lunglei an pan pui nghal tih sawiin Hospital an thlen chuan chhan hman a ni tawh lo tih an sawi bawk.

A ruang hi zaninah tlaivarpui tur niin naktuk Pathianni chhun dar 12 ah vui tur a ni.