ZALEN June 7, 2025 : Vawiin khan Mamit Lungsir Kohhran Social Front leh Excise & Narcotics Department (END) Mamit ten Lungsir Kohhran Sunday School Hall-ah Ruihhlo Do Awareness Campaign nilengin an nei a, 1st leh 2nd Session a hun then niin, Resource Person-ah SI Jason Lalrinchhana hman niin hun hman a ni.

Hemi hunah hian ruihhlo ti lo tura intiam naupang 160 te hnenah Certificate leh pen pek theuh an ni.

Ruihhlo dona lamah Kohhran ten ke an pen zel han hmuh hi END Mamit te chuan lawmawm an ti a, Kohhrante nen tangruala an thawh ho chuan ram hmelma ruihhlo hi do hneh ngei beisei a nih thu END Asst. Commissioner Lalsangzuala Ralte chuan a sawi bawk a ni.