ZALEN May 10, 2025 : Mizoram Kuhva Chingtu Pawl (MKCP) hruaitute leh Central YMA kumpuan Committee te chu Ni 9. 5. 2025. Zirtawpni tlai khan Central YMA Committee roomah inkawmho na an nei a. He hunah hian dan lova kuhva tawlhruk leh kuhva chingtute harsatna an sawiho.

MKCP hruaitute hi Professor Lalnuntluanga Vice President CYMA, Kumpuan Chairman hovin an lo dawng sawng a, thutkhawmnaah hian MKCP President C Laldina chuan ram leilungfa Kuhva chingtute harsatna hrang hrang sawiin "Foreign Kuhva Smuggling" vanga harsatna an tawh chungchangah Centre YMA Kumpuan Committee hnenah thlenin thawhho puiah a sawm a ni.

CYMA Kumpuan Chairman Professor Tluangtea chuan a tul anga theih tawp chhuah ho zel kan tum dawn nia a ti.

Kuhva Chingtu Pawl hruaitute hian Central YMA Kumpuan Committee in a tula an hman atan Rs 10,000/- an hlan bawk.