ZALEN July 8, 2025; Lalnunpuii (12), Bungtlang South chu a rawtuai an khawrhna-ah a current man vangin a thi.

Bungtlang South (Lawngtlai district) atanga ZALEN thudawn danin, Lalnunpuii d/o Zonunthara hi nimin khan an khua atanga hla vak loah a nau nen rawtuai khawrhin an kal a, an rawtuai khawrhna-ah karah hian electric hrui lo awmin, hei hi an hmu lo a, current a kal bawk si avangin Lalnunpuii hi current hian a man a, a nauin chhan a tumna lamah hliam tenau a tuar bawk.

A nau hi khuaah kalin, a chhungte a hrilh a, khua thlenpui a nih chuan chhan hman a ni tawh lo a ni. A ruang hi nizan khan tlaivarpui niin, vawiin chawhma dar 10 khan vui a ni. Thudawnna in a sawi danin Lalnunpuii hi chhungkaw harsatna avangin school a kal tawh lo a, a rem rem thawkin a chhungte a pui thin a ni.