ZALEN May 2, 2025; Dinthar Local Council leh Dinthar branch YMA-te chuan Dinthar veng chhunga Myanmar, Bangladesh, Manipur etc. te atanga sahimna zawngtu raltlan awmte chu nizan (1.5.25) zan khan Dinthar YMA Hall-ah an ko khawm.

Tun hnaia Dinthar khawtlanga raltlante dinhmun zir chiangin an tih leh tih loh turte an hriat thartir a ni.

He hun hi Lalawmpuia Khiangte, Treasurer, Dinthar Local Council chuan kaihruaiin, Lalhlupuia Sailo, Chairman, Dinthar Local Council leh C. Zochhuanawma, President, Dinthar Branch YMA ten thu an sawi.

Dinthar venga raltlan awm mekte chu temporary ID siamsak an ni ang a. Dinthar vengah tuna awmsate bak raltlan awm belh phal a ni tawh lo a ni.

Dinthar khawtlang hian raltlante awm dan tur thil pawimawh dangte duangin raltlante chungah emaw Dinthar khawtlangah emaw harsatna a thlen loh nan ruahmanna hrang hrang an duang a ni.

#ZalenNews