ZALEN May 30, 2025 : Nizan ruahsur nasa avangin Mauchar khua-ah leimin vangin In pakhat thiah a ni a, In pakhat chu luah ngam chi a nih tawh loh avangin an inthiarchhuak bawk.

Tukin khawvar hlim vek khan Lalvenghima, Mauchar chuan thil ri thawt a hriat hnuah an In chu a tlahniam tih a hriat hnuah a nupui leh a fate chu a tlanchhuahpui a, thenawm khawveng te an pun nghal a, an bungrua te erawh an la chhuak kim hman a, bungrua an lakchhuah hnuah In hi thiah zui a ni nghal a ni a, anni hi a pa te In hnuaiah an invawmlut a ni.

Lalengmawia In erawh chhuahsan ni tawh mah se, thiah ngam lovah an ngaih avangin a la ding rih a, anni hi VC enkawl In pakhatah an in vawm lut nghal a ni.

Lalvenghlima leh Lalengmawia te kawmthlang Field a ni a, tun hnaiah field hi chei that niin, ko chhak lam hi laih a ni a, lung te a lo awm bawk avangin hal a ni a, hei hi a min chhan pakhatah an puh a, tun hnaiah an khua velah lir a nghing bawk a, hei hi a min chhanah hian an ngai deuh a ni.