ZALEN May 7, 2025; Stephen Lalrinawma, MPS, Sr.Superintendent of Police (Traffic) chuan vawiin tlai dar 6:30-6:35(Black out) chhungin Lirthei tlan lai te awm dan tur a hnuai a mi ang hian thuchhuah a siam:-

Mizoram Sorkar Notification No.B.12021/10/04-TRP Dt.22.8.2008 leh Section 115 of MV Act, 1988-in thuneihna min pek ang leh Deputy Commissioner & Chairman, District Disaster Management Authority, Aizawl District, Aizawl thuchhuak angin a hnuaia tarlan ang hian thupek chhuah a ni.

May ni 7, 2025 (Nilaini) chawhma Dar 11:00 atangin Ministry of Home Affairs, Govt. of India hmalaknain India rama Civil Defence District 244-ah Mock Drill neih tur a ni. Aizawl District-ah pawh Air Raid awm anga drill neih tur niin; tlai lam Dar 06:30- 06:35 chhungin Aizawl khawpui chhungah "Black Out" a awm dawn a. Air Raid laka mipuite kan him nan "Black Out" minute 5 chhung (06:30 pm - 06:35 pm) hian lirthei tlan zawng zawngte chu kan awmna hmunah din vek tur a ni a, kan lirthei engine leh light-te pawh off vek turin lirthei khalhtu zawng zawngte kan inngen a ni.