ZALEN July 11, 2025; Vawiin chawhma khan Khilli Ram Meena, Chief Secretary kaihhruaiin Co-ordination Committee on Traffic Management chu CS Conference Hall, Secretariat-ah an thukhawm.

Vawiin thutkhawmah hian Aizawl khaw chhunga traffic tiziaawm tura lirthei intlanchhawk chungchang ngaihtuah ho a ni a. Kum 2019 atanga lirthei intlanchhawk kan kalpui mek hi Aizawl khawpui chhung kawngpui (main spine) viz., Bawngkawn to Kulikawn via Chaltlang or Ramhlun through Chanmari, Zarkawt, Dawrpui leh Sikulpuiawn; Sikulpuikawn to Chanmari West via Temple Square, Vaivakawn leh Hunthar chauhah enchhin nan (trial) thla khat chhung kalpui tura rel a ni.

Two-wheeler leh LMV Taxi-te pawh sticker 3 - A, B & C hmanga intlanchhawkin kar khata ni 2 tlan loh ni nei thin kha, kar khata ni khat chauh tlan loh ni an neih theih nan sticker 5 – A, B, C, D & E hman ni se tia rel a ni a. Hei pawh hi thla khat chhung enchhin tur niin, August thlaa kalpui tura ruahman a ni a. Heng bakah hian lirthei tlan loh ni a m-pass hmanga tlan theihna permit pek chungchang ngaihtuah ho niin, m-pass chu essential services tan chauh pek tawh ni se tia rel a ni bawk.