ZALEN July 2, 2025: Vawiin khan Chief Minister Lalduhoma chuan a office-ah Aizawl City Local Council Association hruaitute a kawm a, an mamawh thlen zingah an lawmman tihsan sak tura ngenna a tel.

Chief Minister hian Aizawl chu hmun ralmuang taka siam tul a tih thu a lo hrilh a. Tleirawl rual, midang sual rawn ching te an awm nia a hriat thu sawiin heng mite hi tihtawp hmiah a ngai. Tin, kan khawlai hi zurui emaw buaina siam chingte lakah fihlim se. Nunau leh hmeichhe tan pawha hmun ralmuang taka siam a ngai a ni, a ti. 

Local council ten mahni area theuhah, tlawmngaipawlte nena tang tlanga hma lo la turin ngen. ILP chungchang pawh a sawipui a, dan lek kawh kawngah LC te tanpuina an mamawh a, NOC issue kawngah pawh lo fimkhur leh zual turin a ngen bawk a ni.

Local Council Association hruaitute hian an lawmman tihsan chungchang leh Aizawla an office hmun ve tur te Chief Minister hi an sawipui a. Chief Minister hian an dilna te a lo zirchiansak tur thu a chah a ni.

Local Council Association hian Chief Minister Relief Fund-ah Rs. 10000 an chhunglut nghal a ni.