ZALEN July 4, 2025 : Excise and Narcotic leh Assam Rifles te chuan an thudawn bawhzuia chet an laknaah New Dawn leh Hnahthial inkarah Heroin No 4 thahnem tak an man.

Team pahnih hian an thudawn bawhzui hian New Dawn leh Hnahthial kawngah chek post an siam a, an mi rinhlelh te chu tukin zinga dar 6:30 khan an lo ti ding a, an dap ve hnuah Heroin No 4 gram 109.08 a rit, cheng nuai 81.81 man a chhut chu an man a, heng an thil man te hi Lunglei khawpuia thehthang tura ngaih a ni.

He thil kaihhnawihah hian F Lallianzuali, d/o Vanlalchhunga, 40 ; Malsawmtluanga, s/o Lalhmingmawia, 33 ; Lalhmunsiami, d/o Dohranga, 43 leh Lalmuansanga, d/o Lalramliana, 25 te chu an man

Heng ruihhlo an man leh a neitua puh te hi Excise and Narcotics Department, Lunglei te chuan dan ang hma lak chhunzawm nan an kawl zui nghal a ni.