ZALEN July 17, 2025 : Government of India hnuaia Ministry of Culture (Archaeological Survey of India) chuan thuchhuah siamin Lianpui khua, Champhai district-a Lungphun ropui chu Archaeological Survey of India (ASI) chuan National Importance atan a puang a, July 14, 2025 khan thuchhuah an siam.

Fenbruary 9, 2021 khan thuchhuah number S.O. 577(E), chu Gazette of India, Extraordinary, Part II, Section 3, Sub-section (ii),-ah a lo tichhuak tawh a, Central sawrkar chuan thla hnih chhungin he hmun hlui, Lianpui khua a Lungphun ropui chu ram tana hmun pawimawh (National Importance) a puang tur hian thuchhuah a siam a ni.

Lungphun ropui hi Archaeological Survey of India te chuan a hmunah kalchilhin he hmun humhalh tur huam chhung hi - sub section (1) of section 4 of the Ancient Monuments and Archaeological Sites and Remains Act, 1958 (24 of 1958); in a phut anga tih fel a ni a.

Central sawrkar chuan a hmun hma atanga ruahman siamah hian dodalna engmah a hmuh loh avangin sub-section (3) of section 4 of the Ancient Monuments and Archaeological Sites and Remains Act, 1958 (24 of 1958)-in thuneihna a pek angin heng Lungphun ropui leh a chhehvel te chu national importance-ah a puang ta a ni.