ZALEN May 30, 2025; Ṭhuampui, Aizawlah lungrem chimin tuikin zing dar 7:50 vel khan mi 2 a delh a, pakhat dam a lak chhuah niin, pakhat erawh thi a hmuh a ni.

Ṭhuampui branch YMA hruaitute hnen atanga ZALEN thudawn danin, tukin dar 8 rik hma deuh khan Ṭhuampui veng a pioneer lungrem chu a chim/min a, hei hian a thlang a in delhin, mi pahnih a chhilh nia hriat a ni.

Lungrem in a chhilh te chhan chhuah hna hi rang taka thawh nghal a ni a, lungremin a chhilh pakhat zawk, Lalfakzuala (35),Ramthar Veng, Aizawl chu damin lak chhuah niin, Greenwood Hospital panpui a ni.

Hetihlai hian lungremin a chhilh pakhat zawk, Lalnunmawia (37) s/o Kawlchhunga chu thia hmuh a ni tawh bawk a, a ruang hi vui turin Lalmawiberi, Chawlhhmun chuan a la a ni.

#ZalenNews