ZALEN May 25, 2025: Manipal Hospitals hmalaknain leh Mizoram leh hmarchhak state hrang hranga hriselna dinhmun a that theih nan hmalak a ni dawn.

Nimin khan Aizawl Press Club-ah chanchinbumite kawmin Manipal Hospitals thawktute chuan an hnuaiah Kolkata-a superspecialty hospital pangate chuan damlo enkawlna tha zawk a awm theihna turin hma an la a. Kum 15 chuang zet AMRI Group leh Medica Superspecialty Hospital-te hian Mizoram atangin damlo 15,000 chuang an enkawl tawh a, heng zingah hian Medica Superspecialty Hospital (Manipal Hospitals Network unit pakhat)-a kal thlak hlawhtling 70 chuang an awm tawh a, hlawhtlinna rate chu 95% a ni tih an sawi.

Manipal Hospitals-a tel, Medica hi kum 2017 atang khan Aizawl Hospital & Research Center nen an inzawm a, hei hian Outreach Clinics chu Neurosurgery, Respiratory Medicine, Orthopaedics, Urology, Nephrology & Endocrinology ang chi specialty-ah te kalpui a ni.

Manipal hian Cardiology, Cardiac Surgery, Neurosurgery, Orthopaedics, Oncology, Nephrology ang chi speciality-ah state mipuite hlawkna tur atan Aizawlah OPD kalpui a tum a. Civil Hospital nena thawk tlang tur leh Association of Physicians of India Mizoram nena CME hmanga inthlunzawm a ni a, speciality hrang hranga inenkawlna kawnga hmasawnna thar ber berte chu inhrilh tawnin Mizoram mipuite hriselna tha zawk chhawpchhuak sak an tum tih an sawi bawk.