ZALEN May 5, 2025 : Vawiin khan Meghalaya Board of School Education (MBOSE) chuan HSSLC result a ti chhuak a, Commerce subject bikah Vanlalchhuangi d/o Dr Lallianchhunga, Zonuam, Aizawl chu a pumpuiah parukna a ni.

Vanlalchhuangi hi St. Anthony's HSS, Shillong-a zir niin, Commerce subject-ah Meghalaya state pumpuiah mark 461 hmuin parukna a ni a. English, Economics, Business Studies, Accountancy, Entrepreneurship, Mathematics subject-ah te letter a hmu bawk.

Tun hnaia Mizoram Board of School Education (MBSE)-in HSLC result a tihchhuahah Vanlalchhuangi nau chiah, St Pauls HSS-a kal Zoramhmangaihi chu Distinction-ah a pass a, subject tinah letter a lo hmu tawh bawk.