ZALEN April 14, 2025; Mizoram ramri hnaihah Directorate of Revenue Intelligence (DRI)-in Rs. Vbc. 52 chuang hu, methamphetamine Kg. 52 leh gram 67 an man a, a neitu nia puh mi 2 an man bawk.

Nimina Union Finance Ministry thuchhuah tarlan danin, ruihhlo hi April ni 11 zanah truck pakhat an dapnaah uluk taka fun bawm 53 vel an hmuchhuak a, bawm pawn lamah hian 3030 export only tihte, 999 tihte a inchhut bakah lunghlu symbol ang chhut kai vek a ni bawk a, bawm chhunga thil awmte chu NDPS Field Test Kit-a endik anih hnuah Methamphethamine an ni tih nemngheh a ni.

Ruihhlo phurtu truck hi Nagaland-a register niin, Meghalaya atanga Champhai-a cement a dah hnuah Zokhawthar pan lehin Zokhawthar atanga Tripura lam pan leh tum niin Union Finance Ministry thuchhuah chuan a tarlang a. Mizoram a chhuahsan hmain DRI-in lo tidingin, a ruihhlo phurh te chu an man ta niin a tarlang .

 Heng ruihhlote hi Myanmar atangin Zokhawthar sector atanga Mizoram chhunga lak luh a ni a, truck driver leh a handyman-te hi ND&PS Act tlawhchhanin man nghal an ni.