ZALEN June 4, 2025; Kolasib Excise & Narcotics department, New Diakkawn YMA leh Tumpui YMA te tangkawp chuan information an dawn bawhzuiin nimin chawhma dar 10:30 khan Methamphetamine mum 30,000 an man a, hemi kaihhnawih ah hian mi 6 an man bawk.

Thudawn danin tunhnaiah Aizawl lamah Methamphetamine tam tham tak an man a, chumi put chhuak zing ami chu tuna an man hi niin ngaih a ni a, Vanlalhruaia (60) s/o Darneihkuala (L), Tumpui chu mawhphurtu bera puh niin, ani hian Lalbiakchhunga (34) s/o Laldawngliana, Tumpui chu scooty MZ05-A/3922 hmanga phurhchhuah tir a tum lai nangchingin man a ni. 

An sawi danin Ahmed Hussain (33) s/o Badruj Jaman, Karimganj leh Sadikul- Haque (23) s/o Jamal Haque, Karimganj te hnenah Rengtetlangsanga inhlan tur an ni a, hemi kaihhnawih kal zelah hian New Diakkawn mi pahnih Lalbiakhnuni leh Lalrinchhani pawh an man bawk. Ruihhlo te hi tualchhung rate-a chhutin Rs. Nuai 12.6 hu a tling a ni.

#ZalenNews