ZALEN April 30, 2025; Mizo Hmeichhe Insuihkhawm Pawl (MHIP) General Hqrs hruaitu tharte chuan nimin khan an mawhphurh na an la tan a, MHIP President thar, Lalliani chuan Social Media-a mawi lo taka hmeichhia inpholan chungchangah hma an la dawn tih a sawi. 

MHIP Pisa, Aizawla hruaitu hlui leh thar te charge inhlanna hunah hian tun thla ni 24-a hruaitu thlan thar,

President, Lalliani, Vice President, Ngurmawii Sailo, General Secretary, Prof. Irene Lalruatkimi, Asst Secretary, Prof. Zokaitluangi, Treasurer, Vanlaldiki leh Finance Secretary, Lalthanmawii ten an mawhphurhna an la a ni.

He hunah hian MHIP President thar Lalliani chuan Mizo hmeichhia te tana ṭan lak chu an hna ber tur a ni a

ti a, gutkha khap chungchanga hma an lak thin chu an chhunzawm tur thu a sawi bawk a, vawiin ni atanga tan an lak tur thu a sawi. Tunlai a Mizo hmeichhia social media-a mawilo taka in chei a, in pholan thin

chungchang ah hma an lak tur thu he hun ah hian a sawi bawk.

#ZalenNews