Milem angin a inthuam a, lu lian tak a nei a, mei a nei bawk a, heti chung hian Los Angeles atangin San Francisco thlengin a kal thleng thak.

Jesse Larios-a hi hetianga inchei turin tunge fuih pawh a inhre chuang lo va, amah chuan Bearsun a inti mai a, km 644-km zeta thui a zin a ni.

“Hetiang hi tih tumna em em sa pawh ka nei lo,” tiin kum 33 mi, thil uk leh vara chei inthuamin a kal.

Larios-a hian April 12 khan a chhuak a, khawvel hmun hrang hrang atang pawhin ngaihventu a ngah hle.

Larios hian GoFundMe account a hawng a, a tirah $7,100 chauhva bul tan ni mah se San Francisco a thlen meuh chuan a ngah tawh hle thung.

“Heng pawisa hmang hian mi dang puih ka duh a ni,” tiin Larios chuan a sawi.

Larios-a hi a zin kawngah hian a chawl a, a mu a, thil a ei a; mahse, rei tak a chawl ngai lo. Thil eina hmun atan hian gas station (petrol pump) a hmang ber a, thil a ei a, a tul angin a intifai thin bawk a, a inthuamna dah that theih deuhna hmun zelah zan a riak thin thung.

Kea a kal ngawr ngawr bakah hian khawthlir vel pawh nuam a ti hle a, Instagram-ah pawh kalkawnga a thil hmuh a tar lan thinte chuan lawm pawh a hlawh hle thin.