ZALEN May 19, 2025; Aizawl Kulikawn venga cheng Vanlalngaia’n thlarau bo pahnih/khat tal chhanchhuaha an lo awm theih na'n, Hlimen Chuhvela a ram bigha 7.5 a zau chu Synod kutah a hlan. 

Ram inhlanna hun hi Vanlalngaia in, Kulikawnah buatsaih a ni a. Mizoram Presbyterian kohhran Synod Executive Secretary Rev. Dr. Rosiamliana Tochhawng in he hun hi a kaihruai a, ram neitu Vanlalngaia’n a ram chu Synod kuta hlan a duh chhan sawiin Pathian hnenah a kum a pawhseisak chu tangkai taka hmang tura a dil ve thin thu a sawi a. Chu'ng zingah chuan Mizo thalai a sing tel teh meuh Setana’n an taksa leh an thlarau tihlum a, hremhmuna a hruai lut tur chu chhanchhuahna beihpui thlak a ngai tak taka a hriat thu leh, kohhranin hemi kawnga hma la se a lo tih rilruk ve thu a sawi.

Ram inhlanna lehkhaah hian ram neitu Vanlalngaia leh Senior Executive Secretary Rev. V.L. Luaia Hranleh ten hming an ziak a, hriatpuitu atan Executive Secretary Rev. Dr. Rosiamliana Tochhawng leh Upa K. Zoremsanga, Kulikawn ten hming an ziak bawk a. Vanlalngaia chuan thlarau bo pahnih/khat tal chhanchhuaha an lo awm theih na'n tiin Rev. V.L. Luaia Hranleh hnenah ram pekna lehkha hi a hlan a ni. He hunah hian Rev. Lalhleia, Director, Synod Prison Ministry pawh a tel.

#ZalenNews