ZALEN July 18, 2025; Vawiin khan Damdawi Zuar pawl, Mizoram Chemists & Druggists Association (MCDA) chuan Mizoram Sorkar hnuaia Social Welfare Dept in ruihhlo ngaite chhanchhuahna tur camping “HULHLIAP” tih ni July ni 21, 2025 (Thawhtanni) atanga Synod Camping Centre, Sihphir a buatsaih tur atan leh CYMA in "OKM HOME", Phungchawn a Health Clinic July ni 19, 2025 (Inrinni) a an buatsaihna tur atan Damdawi zuar te thawh khawm Damdawi chi hrang hrang thahnem tak Rs. nuai 5 chuang man hu an pe.

MCDA hian kum dangah pawh Burma leh Manipur raltlan tan te, ramri a duty police te leh TBCC ah te Health Clinic atan damdawi hi cheng nuai man tam tak anlo pe fo tawh thin a ni. 

Tunah hian Mizoram pumah damdawi zuar hi mi 4000 vel an awm mek a, heng damdawi zawrh leh a hralh chhuah leh a thiar kual tur te, Medical Representative leh a kaihhnawih hrang hrang atanga eizawng leh eihmuh nan baka chhungkaw chawmna atana innghat hi mi nuai dawn lai an awm.

MCDA hian tunhnai lawk pawh khan an Member te thawhkhawm atangin Chief Minister Relief Fund (CMRF) atan Rs 6,00,000 anlo pe tawh bawk a ni. 

MCDA chuan damdawi hmansual theih ruih nan a hmang anlo awm thin chu pawi anti a, Drug License neilo ten Bazar leh Office vela khaikuala damdawi an zuar fo hi phal loh a nih hre tur leh ruih theih damdawi thehdarh thin te chu thuneituten man chhuak in hrem thin se an duh thu an sawi bawk.

#ZalenNews