ZALEN : Nov 29, 2023 khan Aizawl Raj Bhawan-ah Squadron Leader Manisha Padhi chuan dinhmun thar a chelh tan a, India hmeichhe zinga a hmasaber ni turin state khat Governor thachhangdawltu Aide-de-Camp (ADC) nihna a chang a ni.

Hmeichhe zinga ADC hmasaber a nihna hi puanzar emaw a awm lova, mahse ZALEN chuan India rama governor ADC ni thei hmeichhia awmchhun leh hmasaber a ni tih a haichhuak ta. 

ADC atana lalut tu hi kan governor kalchhuak Dr. Hari Babu Kambhampati kha a ni a, Mizoram a chhuahsan hnua amah thlaktu Gen. V. K. Singh-a'n Jan 16, 2025 a Raj Bhawan a rawn luah khan ADC thlak lovin a hmang chhunzawm ta a ni. 

Squadron Leader Manisha Padhi hi Odisha state-a Berhampur khua atanga lo chawrchhuak a ni a, a pa hi Indian Air Force-ah honorary flying officer a ni a, a pa hnungzuiin a pa thlen chin aia thui a thleng ta a ni.

Amah hi engineer niin CV Raman College of Engineering a zo a, chumi hnuah 2015 khan Indian Air Force-ah flying officer a inziak tling zui a ni.