ZALEN July 12, 2025 : Mizoram Journalist pahnih HC. Vanlalruata leh Isaac Zoramsanga-te chu vawiin khan Mizoram Journalist’s Association chuan 'Myanmar Civil War' Documentary producer an nih avanga Emmy Awrad an dawn avangin lawmpuina hun a hmang.

Aizawl Press Club ah Journalist pahnih te chawimawina hun hi neih a ni a, MJA President C. Lalrambuatsaiha chuan tunhnaia Emmy Award dawng te pahnih chu lawmpuina hlanin khawvel huap lawmman ropui an dawng chu chhuanawm a tih thu a sawi a, Chanchinbumite chawimawina sang dawng thei MJA member an awm chu lawmawm a tih thu sawiin, mi dangte tana entawntlak an nih thu sawiin journalist te hnena an hlan thin chawimawina thuziak leh lawmpuina a hlan.

Emmy Award dawngtu pahnih HC Vanlalruata leh Isaac Zoramsanga ten thu an sawi a, Mizo journalist pahnihte hi BBC tana project-ah hian field producer hna an thawk a, Emmy Award an dawnna hi 'Outstanding Continuing News-Coverage-Short Form Category'-ah a ni.