ZALEN May 27, 2025; ZPM thupuangtu K Laltluangkima'n MNF an sawrkar leh ang em? tih a chhanna chu, an sawrkar leh a rinawm tawh loh, tih a nih thu a sawi.

Vawiin chawhnu dar 1 khan Aizawl press club-ah thuthar thehdarhtute kawm a he thu hi sawiin, ZPM thupuangtu chuan, tuna MNF ho inawinunna ber chu 'vangvat kai' tih a nih thu leh tun atanga kum 5 - ah chuan vangvat kai nih hian awmzia a nei tawh dawn lo a, vangvat kai ho hi politic atangin mual an liam zo tawh dawn niin a sawi.

"MNF hi an zuih hret hret ang a, ZPM thlak tur hian chakna an nei tawh lo ang. Inthlan lo awm turah kawppui tur an zawng ruai ang a, an kawppui ten an eiral tho tho ang. Chu chu Mizoram politic lo awm tawh dan kalphung a ni a, a la dik zel a ni," a ti bawk.

ZPM thlak tur hnai vai thei ber chu vai party a nih thu sawi bawkin, chu chu congress nge BJP a nih thu a sawi. ZPM thupuangtu chuan, ZPM hi tualṭo party in a thlak dawn a nih chuan, la sawrkar ngai lo pawl thar rawn thang lian chho, hruaitu chak leh tling takin a ho a ngaih tur thu a sawi. "Chutiang khawp hruaitu ṭha chu tumah an awm si lo ang. Kum 20 tal chu a vei phawt a ngai hrim hrim," a ti bawk.

#ZalenNews