ZALEN July 5, 2025 : Vawiin chawhnu dar 1:00 khan Mizo Students’ Union (MSU) General Headquarters chuan Emeegency Executive Committee Meeting an nei a. Unqualified Part Time Assistant Professors te Sawrkarin hun a pek belh leh duhlohna kawngzawh neih tum a ni. 

MSU Emergency Executive Meeting chuan Sawrkar hnena Unqualified Part Time Assistant Professors 29 te ban tura an ngenna chuan awmzia a neih tak loh avangin, July ni 7, 2025 (Thawhṭanni) hian Aizawl khawpui - Vanapa Hall atangin Higher & Technical Education Directorate Pisa thleng “Quality Education Humhalhna Kawngzawh” neih an tum a ni. 

MSU chuan hemi ni hian Aizawl-a awm College Zirlai zawng zawngte kawngzawh turin a sawm a. Tumah Zirna In-a Class la tura kal lo turin a ngen a ni. MSU chuan Mizoram Sawrkar chu Unqualified Ziritirtute ban a, an aiawh tur Zirtirtu pawh Zirna tibuai lova la nghal turin an ngen bawk a. Tin, Kawng zawh a thilphut te hi tihhlawhtlin anih loh chuan a tawp thlengin MSU chuan hma a la zui zel dawn a ni.