ZALEN June 9, 2025 : Mizo Students’ Union (MSU), General Headquarters hruaitute chuan vawiin khan Chief Minister Lalduhoma chu a pisa-ah an hmu a, NET/Ph.D nei lo college zirtirtu 29 te kum khat dang hun an pek belh leh chu tha an tih loh thu an thlen.

MSU hruaitute chuan Chief Minister hnenah hian college zirtirtu unqualified (NET/Ph.D nei lo) 29 te kum khat dang hun a pek belh leh chu tha an tih loh thu an thlen a. Sawrkarin hun a pek belh leh te hi an qualify theih nan vawi tam tak hun pek belh leh pawh seisak an lo ni tawh chunga qualify thei lo te an nih avangin MSU chuan huaisen taka ban ngam turin CM hi an ngen a. May 19, 2025 a MSU General Executive Committee meeting-in a rel angin 2025-2026 academic session tan leh hma ngeia an contract hi titawp turin CM hi an ngen a ni.

Scholarship chungchangah ZPM sawrkar hnua state matching share a hun taka pek zel a nih thin avangin Chief Minister hnenah hian MSU hruaitute chuan lawmthu an sawi a. Chutih rualin, Scholarship 2023-2024 a 4th installment Mizoramin tun thlenga kan la dawn loh avanga zirlaiten harsatna an tawh thu an thlen a. Theihtawpa central sawrkar nawrpui turin an ngen bawk a ni. 

Chief Minister chuan MSU hruaitute thu thlen hrang hrang chu pawimawh a tih thu a sawi a, theihtawpa bawhzuisak a tum thu a lo sawi a ni.