MUHCS hnuaiah damlo inenkawlna senso Rs. 9,24,66,141 pek sak an ni tawh

ZALEN June 8, 2025 : Mizoram Universal Health Care Scheme (MUHCS) hnuaiah June ni 3,2025 thleng khan damlo mi 8251 inenkawlna senso Rs. 9,24,66,141 pek sak an ni tawh.

ZALEN in Mizoram Health Care Society hotute hnen atanga thu a dawn danin damlo inenkawlna pek sakte hi AB PMJAY hnuaiah damlo 6295 senso Rs. 5,19,43,844, contributory (MUHCS a inziaklut) mi 1068 hnuaiah damlo senso Rs. 1,79,30,348, sawrkar hnathawk mi 548 te senso Rs. 1,19,00,256, pensioner mi 340 senso Rs. 1,06,91,693, an vaiin damlo mi 8251 senso Rs. 9,24,66,141 te an ni.

Mizoram Health Care Society thawktute chuan damlo inenkawlna bill hi April ah Rs. 1,09,52,454, May thlaah Rs. 5,55,65,481 leh une thlaah Rs. 2,59,48,206 an pe chhuak tih an sawi. Zawhna chhangin Mizoram Health Care Society thawktute chuan bill pek chhuah kawngah tun thlengin harsatna an la tawk lo tih an sawi a, payment hi tum 8 an ti tawh niin an sawi bawk.

Mizoram Universal Health Care Scheme (MUHCS) a inziak lut zat zawhna chhangin MHCS thawktute chuan AB PMJAY ah chhungkua 216,584 inziaklut sa an ni a. hei bakah hian pensioners 80082, sawrkar hnathawk nghet leh provisional employee te zawng zawng, CSS/GIA te bakah inziak lut thar (contributory) chhungkaw 5082 te an ni tih an sawi a. MUHCS ah hian June 2025 thleng inziah luh theih anih avangin tun thla tawpah chuan inziak lut hi hei ai hian an tam zawk an ring tih an sawi a. Chutih rualin Mizoramah ration card nei mi nuai 2 vel awm anga ngaih anih avangin inziak lut erawh an pung lutuk lo mai thei tih an sawi bawk.

Mizoram Health Care Society thawktute chuan chhinchhiah chinah phai lama inenkawl tura tirh (refer) mi 689 an awm tawh niin an sawi bawk a. Heng refer zinga mi 204 te bill tlingkhawm Rs. 1,89,13,642 chu pek fel tawh a ni tih sawiin damlo thenkhat chu MUHCS hman hmaa lo kal tawhte an nih bakah inenkawl mekte an nih avangin bill pek hi tlem angin a lang niin an sawi bawk.

Mizoram Universal Health Care Scheme (MUHCS) hi Mizoram chhunga sawrkar damdawi in zawng zawngah hman theih anih bakah private damdawi in 9- Serkawn damdawi in, MED AIM Champhai, Lairam Christian Medical Centre (LCMC) Lawngtlai, Christian Hospital Lawngtlai, Maraland Gospel Centenary (MGC) Siaha, Vohbik Care, Raphaa Day Care, 360 Hospitality leh Nazareth, Aizawl-ah te hman theih a ni a. Hei bakah hian Mizoram pawna damdawi in 28-ah te hman theih a ni tawh bawk. Mizorama district 11 awm zingah Aizawl district-ah MUHCS hnuaia damlo iunekawlna senso hi sang berin damlo 5,163 te senso Rs. 5,40,21,747 pek a ni tawh a, Hnahthial district chu damlo enkawl tlemna ber niin damlo mi 65 te senso Rs. 3,12,250 pek a ni tawh bawk.

District hrang hrang leh Mizoram pawna MUHCS hnuaia damlo enkawl zat leh sum pek chhuah zat

District Damlo zat Sum pek zat (Rs.)

Aizawl 5,163 5,40,21,747

Champhai 587 30,13,814

Hnahthial 65 3,12,250

Khawzawl 89 4,10,000

Kolasib 444 29,33,099

Lawngtlai 220 34,69,068

Lunglei 616 39,06,320

Mamit 252 12,14,665

Saitual 130 5,82,596

Serchhip 295 18,60,509