ZALEN July 11, 2025; Education minister Dr. Vanlalthlanan zirtirtute zingah insawn hreh avanga khawtlang emaw pawl lo dawr an awm thin tih sawiin, hetiang thil a awm leh a nih chuan na takin action an la ve tawh dawn niin a sawi.

Vawiin a thuthar thehdarhtute a kawmnaah he thu hi sawiin, Dr. Mathlana chuan, insawn hreh avanga khawtlang emaw pawl lo dawr thin te chu hetianga hmala tawh lo turin zirtirtute an hriattir nghal tih a sawi. "Zirtirtu indaih lohna avanga harsatna awm hi kan hriatpui...zirlaiten an tawrh dawn chuan kan order sut leh hi kan hreh ngai lo, kan lo ti nual tawh tho a ni. School tinah zirtirtu indaih neih vek kan duh a, headmaster inpek vek kan duh, kan dinhmunin a zir ngang lo a ni," a ti bawk.

Hmun tam taka zirtirtute kan sawn hian zirlai pawl leh NGO ten an khaw school a zirtirtute dinhmun sawi duh loin hma an la leh mai ṭhin niin a hriat tih sawi bawkin, "Kan hmalakna hi thuneihna kan chan tak avanga ti chiam kan ni lo a, zirnain a zirtirtu inkhairual lo avanga a tawrh nasat em avangin, a kilkhawr bera awmte nat rual a kan nat ve vang a ni tih hi zoram mipuite ka hriattir duh a ni," a ti bawk.

#ZalenNews