ZALEN July 20, 2025: Mizoram sawrkar, kohhran leh tlawmngai pawl tangrual ten ruihhlo ngaite chhanchhuahna atana an buatsaih Hulhliap short stay centre chu Synod Camping Centre-ah naktuk atang hian a thawh hnihnaa neih tan leh tum a ni.

Ruahman dan chuan ruihhlo ngai te chu ni 20 chhung enkawl leh an ni dawn a. An luh atanga ni 10 chhung hi detoxification (ruihhlo atanga thuah faina) hunah hman a ni ang a, ni 5 dang chu psychological counselling leh a bak ni 5 chu gospel camping atan hman a ni dawn a. Batch khatah hian mi 150 zel luh tir tum an ni.

Hulhliap short stay centre thawh khatnaah khan a tirah mi 256 lutin engemaw harsatna vangin mi engemaw zat chhuakin a tawp thleng mi 115 an awm a. Thawh khatna hi July ni 12, 2025 khan zovin a tam ber chu an chhungte hnenah haw tir an ni a. 

Camp chhuak zinga hawna tur nei lo mi 2 te chu anmahni duhthu in PISGAH Reformatory, Thingsulthliah ah mipa 1 leh Shakti Sadan, Maumual ah hmeichhia 1 an lut a. Sawrkar ruahman dan chuan hemi atanga damna change tan hian After Care Skill Training leh Handholding te tih chhunzawm tum a ni a. Hetiang tihna tur hmun remchang hi dap mek a ni.