ZALEN July 26, 2024 : Lirthei a eizawng pawl hrang hrang Emergency Joint meeting-in July 22, 2025-in arel angin July 23-30, 2025 chhunga Mizoram chak lakna kawng, National Highway No. 306 (Sairang to Kawnpui), National Highway No. 06 (Sairang to Buichali), National Highway No. 108 (Sairang to Langkaih), National Highway No. 6 (Kolasib to Bairabi) kawng chu Thawhtanni hian endik a ni dawn.

Lirtheia eizawng pawlte chuan tlan ngamna tur khawpa siam tura Mizoram Sawrkar leh NHIDCL te an phut chungchangah heng kawngpui ah te hian eng angin nge hma an lak tih endik turin 28.7.25 hian an kal dawn a. Tlan ngamna tura heng kawng te hi siam a nih loh chuan an thiam dan ang anga hmalak an tum chu Mizoram sawrkar leh NHIDCL mawhphurhna a nih tur tih thuchhuah an lo siam tawh angin hmalak zel dan tur an rel dawn an ti.

He kawng enfiahna a kal tur hian lirtheia eizawng pawl hrang hrangte leh Mizo mipui a duh apiang kal turin an sawm a. July 28, 2025 (Monday) zing dar 9:00-ah Mizoram Tippers Association (Owners & Drivers) General Headquarters Office kawt Bawngkawn atang a chhuah tur an ti.