ZALEN May 16, 2025 : Vawiin chhun hian College Veng, Aizawl a cheng Paul Lalthantluang leh a nupui Engzami te chu CRC Hall, College Veng-ah a ruala vui an ni dawn. Paul Lalthantluanga hi Mizo Defence League-a Vice President ni lai a ni.

Paul Lalthantluanga, 68 hi 15.5.2025 zing dar 9:20 khan nat lawkna em em pawh nei lovin Pneumonia avangin a thi a, vawiina vui tura tih a ni a, hetihlai hian tukin zing khan a nupui Lalengzami, 67 hi a thi ve leh ta a ni.

Engzami erawh hi chu hun rei tak natna khuma mu tawh niin rei tak enkawl tawh a ni a, tukin zing khan a thi ve zui ta mai a, anni nupa hi a ruala vui turin rel a ni a, College Veng thlanmual thar, Mualpui-ah phum an ni ang.