ZALEN July 1, 2025; Mizoram Tipper Association (MTP) District Headquarters, Kolasib ten Kawnpui leh Sairang inkar kawng an thawm that avanga lirthei tlan an phal loh avangin a bikin oil (petrol/diesel) avang hle tawh a, black a zuar te ah pawh intlar a ngai.

June 26, 2025 atang khan Mizoram Tipper Association (MTP) District Headquarters, Kolasib bultumin Kawnpui leh Sairang inkar NH-306 & 06 kawngpui chhe zual lai thawm that a ni. Kawng siam a nih avang hian lirthei tlan an phal lo a, ni nga chhung lirthei dan a nih tawh avangin lirthei tam tak an tangkhang a, ni tin mamawhah harsatna a awm tan.

A bikin Aizawlah chuan oil avang hle tawh a, petrol pump-ah oil nei mumal an awm tawh lo a, a nei chhun te pawh coupon neite tan hauh a ni tlangpui vek tawh.

Hetihlai hian black a zuar thenkhat zawrh tur la nei awmchhun te pawh an lun hle a, inchuh a ngaih bakah thui tak tak intlar ngaite in an awm.

#ZalenNews