ZALEN May 9, 2025; Tawngtai Bethel Camping Centre (TBCC), Sakawrtuichhun a awmte phalsak an nih angin an chhuak mek a, police ten khawm case-a an man te pawh TBCC hian an lo dawngsawng thei tawh dawn lo. 

ZALEN thudawn danin, TBCC atang hian nimin khan mipa 190 an chhuak a, he thu ziahlai vawiin tlai thlengin hmeichhia 39 an chhuak leh tawh a, chhuak mek te pawh an la awm bawk.

TBCC dintu TT. Zohmingthanga chuan sawiselna hrang hrang an tawh avangin, an centre-a awm a duh a piang a chhuah theih tih sawiin, chu chu centre a awm chhungte pawh an hriattir thu a sawi. "Kan hmunhma in a zir lo a, riahna kan inchan lo a, biak in-ah thleng riahte a ngai, kan naute an lainatawm ve bawk a ni," tiin a sawi.

TT. Zohmingthanga chuan police ten khawm case a an man te an dawngsawng thei rih tawh dawn lo tih sawiin, chhungte remtihna thlapa lut turte erawh an dawngsawng thei dawn niin a sawi. 

TBCC-ah hian ruihhlo vanga buai mi 980 vel an awm a, chung atang chuan mi engemawzah an chhuak mek a ni.